పుట్టగానే ‘ఆధార్‌’...?

    

    పేరు పెట్టకముందే నంబరు.. జీజీహెచ్‌లో అమలు
    హరియాణా నడిచిన బాటలో ఏపీ
    కుల్వంత సింగ్‌ సమక్షంలో పైలట్‌ ప్రాజెక్టుకు శ్రీకారం
    తొలిరోజు ఐదుగురు శిశువుల ఎన్‌రోల్‌
Visit::page::https://www.facebook.com/freshdeals365

 గుంటూరు(సంగడిగుంట), మే 11 : అప్పటిదాకా కడుపులో ఉన్న శిశువు బయటకు రాగానే తల్లికి బిడ్డ అవుతాడు. గ్రామంలో కొత్త సభ్యుడు అవుతాడు. ప్రాంతానికి పౌరుడు అవుతాడు. వీటన్నింటితోపాటు ఇకపై ఆ శిశువు ఆధార్‌ కార్డు సొంతదారు కూడా కానున్నాడు. అప్పుడే పుట్టిన శిశువుకు సైతం ఆధార్‌ నంబరు కేటాయించనుండటమే దీనికి కారణం. ఇందులో భాగంగా.. బుధవారం గుంటూరు ప్రభుత్వాస్పత్రి (జీజీహెచ్‌)లో ఐదుగురు శిశువులకు ఆధార్‌ నంబరును కేటాయించారు. హరియాణాలో విజయవంతంగా అమలవుతున్న ఈ విధానాన్ని జీజీహెచ్‌లో ప్రయోగాత్మకంగా అమల్లోకి తెచ్చినట్టు ఆధార్‌ సీడింగ్‌ కన్సల్టెంట్‌ కుల్వంతసింగ్‌ వెల్లడించారు. ఆస్పత్రి సూపరింటెండెంట్‌ డాక్టర్‌ రాజునాయుడు, డీఎంహెచవో డాక్టర్‌ పద్మజారాణిలతో కలిసి ఆయన ఈ కార్యక్రమాన్ని జీజీహెచ్‌లో ప్రారంభించారు. జీజీహెచ్‌లో అమలుతీరుని పరిశీలించి.. త్వరలో విజయవాడ, రాజమండ్రికీ విస్తరిస్తామని ఆయన వివరించారు. నిజానికి, జీజీహెచ్‌లో పుట్టిన వెంటనే శిశువు జనన ద్రువీకరణ పత్రాలను జారీ చేస్తున్నారు. తాజాగా శిశువులకు ‘ఆధార్‌’ నమోదు విధానంతో తల్లిదండ్రులకు మరింత వెసులుబాటు కలుగుతుందని వైద్య వర్గాలు చెబుతున్నాయి.

పుట్టగానే నమోదు ఎలా?
సాధారణంగా పుట్టిన వెంటనే శిశువులకు పేర్లు పెట్టరు. కొన్ని నెలలు గడిచాక మంచి రోజులు, ముహూర్తాలు చూసుకొని నామకరణం చేస్తారు. అలాంటప్పుడు పుట్టిన శిశువుకు కేటాయించే ఆధార్‌లో పేరు సమస్య రాదా? ఆధార్‌ ప్రక్రియలో పాటించే వేలిముద్రలు, కనురెప్పల నమోదు ఎలా? ‘‘పుట్టిన వెంటనే శిశువులకు ఆధార్‌ నంబరు మటుకే కేటాయిస్తాం. తల్లిదండ్రులు ముందుకొచ్చిన సందర్భాల్లో శిశువుపేరు కూడా నమోదు చేస్తారు. అయితే, ఇది తాత్కాలిక నమోదే. శిశువుకు ఐదేళ్లు నిండిన తరువాత వేలిముద్రలు, కనురెప్పలను నమోదుచేసి.. పూర్తిస్థాయిలో ఆధార్‌ కార్డు కేటాయిస్తాం’’ అని కుల్వంతసింగ్‌ వివరించారు. ఆస్పత్రిలో డెలివరీ చేసిన వైద్యునికి ప్రోత్సాహకం అందిస్తామని చెప్పారు. ఆధార్‌ నమోదు చేసుకొన్న ఒక్కో శిశువుపై రూ.25 చొప్పున చెల్లిస్తామని వివరించారు.

When you Call., Don't forget to mention that you found this "ADVERTISEMENT or LATEST NEWS" on FreshDeals365.Com....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more  Join::Group::https://www.facebook.com/groups/freshdeals365 Fallow::https://www.twitter.com/freshdeals365