ఇయర్‌ఫోన్లు చంపెసయంటే నమ్ముతార చూడ౦డి...?

 

• పార్క్‌ చేసిన కారు వేగంగా పల్లంలోకి! 
•  ఇయర్‌ఫోన్స్‌ పెట్టుకుని వెళ్తున్న యువతి 
•  దూసుకొచ్చి ఆమెను ఢీకొట్టిన కారు 
•  రెండు కార్ల మధ్య నలిగి.. మెదడు చితికి.. దారుణంగా మరణించిన యువతి 

 Visit::page::https://www.facebook.com/freshdeals365

ఆపద ముంచుకొస్తోంది! తప్పుకో... తప్పుకో... అన్నారు అందరూ! కానీ, ఆమెకు వినిపించలేదు. కారణం... ఇయర్‌ ఫోన్స్‌ నుంచి వినిపిస్తున్న పాటలే! హ్యాండ్‌ బ్రేక్‌ ఫెయిలై దూసుకొచ్చిన కారు ఢీకొని బంజారాహిల్స్‌లో యువతి ఇలా మరణించింది.

బంజారాహిల్స్‌/హైదరాబాద్‌, మే 11: ఆ యువతికి పది రోజుల క్రితం వివాహం నిశ్చయమైంది. ఆ తర్వాత రెండు రోజులకే ఉద్యోగం కూడా వచ్చింది. అంతా మంచే జరుగుతోందని ఆనందంతో తుళ్లుతున్న ఆ కుటుంబాన్ని విధి అనూహ్యంగా దెబ్బకొట్టింది! పార్క్‌ చేసిన కారు రూపంలో మృత్యువు వెనుక నుంచి ఆ యువతిపైకి దూసుకొచ్చింది. చుట్టూ అందరూ చూస్తూ ఉండగానే.. అప్పటిదాకా నడుస్తూ ఉన్న ఆ అమ్మాయి దారుణంగా మరణించింది!! హైదరాబాద్‌లో బుధవారం జరిగిన విషాదమిది. కర్నూలు జిల్లా శ్రీశైలం సున్నిపెంటకు చెందిన దేవడ నాగేశ్వరరావు కాంట్రాక్టర్‌గా పనిచేస్తున్నారు. ఆయన కుమార్తె అంబిక. ఎంబీఏ పూర్తి చేసిన అంబికకు.. నగరానికి చెందిన యువకుడితో ఇటీవలే వివాహం నిశ్చయమైంది. పెళ్లి కుదిరిన రెండు రోజులకే.. శ్రీనగర్‌కాలనీలోని జీఐ సిసిరో ఇండియాలో హెచ్‌ఆర్‌లో నెలకు రూ.18 వేల జీతంతో ఆమెకు ఉద్యోగం వచ్చింది. దీంతో ఆమె శ్రీనగర్‌కాలనీలోని ఓ హాస్టల్‌లో ఉంటూ వారం రోజులుగా విధులకు హాజరవుతోంది. రోజూలాగానే.. బుధవారం కూడా ఉదయం పది గంటలకు హాస్టల్‌ నుంచి ఉద్యోగానికి బయలుదేరింది. చెవిలో ఇయర్‌ ఫోన్స్‌ పెట్టుకొని పాటలు వింటూనో.. లేక ఎవరితోనో మాట్లాడుతూనో నవోదయకాలనీ గణపతి కాంప్లెక్స్‌ నుంచి నడుచుకుంటూ వెళుతోంది. అదే దారిలో ఓ సెకండ్‌ హ్యాండ్‌ కార్ల షోరూంలో పనిచేసే ప్రవీణ్‌ అనే వ్యక్తి ఒక కారును షోరూం నుంచి బయటకు తీసుకొచ్చి సంస్థ పక్కనే ఎత్తుగా ఉన్న ప్రాంతంలో పార్కింగ్‌ చేశాడు. హ్యాండ్‌ బ్రేక్‌ వేసి కిందకు దిగి షెడ్డులోకి వెళ్లాడు. అయితే.. హ్యాండ్‌ బ్రేక్‌ సరిగా పడకపోవడంతో.. పార్క్‌ చేసిన కారు వెనక్కి, పల్లంలోకి వేగంగా జారిపోయింది. అటుగా వస్తున్న ఒక మహిళ ఆ కారు తనవైపు రావడం పక్కకు తప్పుకుంది. కారు వేగంగా అంబిక వైపు వెళుతుండటంతో.. అక్కడున్నవారందరూ ‘పక్కకు తప్పుకో’ అంటూ ఆమెను ఉద్దేశించి కేకలు వేశారు. కానీ, చెవిలో ఇయర్‌ఫోన్స్‌ ఉండటంతో ఆమెకు వారి కేకలు వినిపించలేదు. ఈలోగానే.. వేగంగా వచ్చిన కారు ఆమెను బలంగా ఢీకొట్టింది. తన ముందు ఆగి ఉన్న మారుతీకారుకు.. వెనక నుంచి వచ్చిన కారుకు మధ్య అంబిక నలిగిపోయింది. ప్రమాదం తాకిడికి ఆమె మెదడు చితికి బయటకు వచ్చింది. క్షణాల వ్యవధిలో జరిగిన ఈ దారుణాన్ని చూసి అందరూ షాకయ్యారు. కాగా.. అంబిక మేనమామ ఫిర్యాదు మేరకు బంజారాహిల్స్‌ పోలీసులు.. హ్యాండ్‌ బ్రేక్‌ సరిగా వేయని ప్రవీణ్‌పై కేసు నమోదు చేసి దర్యాప్తు చేస్తున్నారు.

 

When you Call., Don't forget to mention that you found this "ADVERTISEMENT or LATEST NEWS" on FreshDeals365.Com....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Join::Group::https://www.facebook.com/groups/freshdeals365 Fallow::https://www.twitter.com/freshdeals365