ఇది బన్నీకోసం రాసుకున్న కథ- సునీల్

ఒత్తిడిలేకపోతే ఇంకా నవ్వించే వాడిని..

‘కెరీర్‌ ప్రారంభం నుంచి పాత్ర పండితే వచ్చే తృప్తి కోసం ఆరాటపడ్డాను కానీ డబ్బు కోసం ఆశ పడలేదు. ఒకే రోజు మూడు రాష్ట్రాల్లో మూడు పాత్రలు చేస్తూ కమెడియన్‌గా మంచి పేరు తెచ్చుకున్నాను. ఉరుకులు, పరుగుల మధ్య ఎంతో ఒత్తిడికి గురయ్యేవాడిని. అది లేకుండా ఉంటే ప్రేక్షకుల్ని ఇంకా నవ్వించేవాడిని. ప్రస్తుతం ప్రేక్షకుల్ని నవ్వించడం అనేది సవాల్‌తో కూడిన పని’’ అని హీరో సునీల్‌ అన్నారు. ఆయన కథానాయకుడిగా నటించిన చిత్రం ‘కృష్ణాష్టమి’. దిల్‌రాజు నిర్మాత. వాసువర్మ దర్శకుడు. ఈ నెల 19న విడుదలకానున్న ఈ సినిమా గురించి సునీల్‌ విలేకరులతో ముచ్చటించారు. ఆ విషయాలు ఆయన మాటల్లోనే...

పక్క వ్యక్తికి సాయం చేస్తే అందులో ఉన్న తృప్తి ఎక్కడా దొరకదనే మనస్తత్వం గల పాత్ర నాది. సెంటిమెంట్‌, ఫన్, మంచి పాటలు ఉన్న చిత్రమిది. హీరోకి టైటిల్‌కి ఓ లింక్‌ ఉంటుంది. అదేంటనేది సినిమా చూస్తేనే తెలుస్తుంది. చోట.కె.నాయుడుగారి ఫొటోగ్రఫీ సినిమాకు హైలైట్‌ అవుతుంది. నా కెరీర్‌లోనే భారీ బడ్జెట్‌ చిత్రమిది. ఇటువంటి సినిమా మళ్లీ కుదరదేమో. దీనితో హీరోగా కంటిన్యూ అవ్వచ్చు అనిపిస్తుంది.

బన్నీ కోసం...

అల్లు అర్జున్ కోసం అనుకున్న కథ ఇది. నాకు సరిపడేలా మార్పులు చేశాకే దిల్‌ రాజు కథ చెప్పించారు. ఆయన బ్యానర్‌లో అవకాశం అంటే పెద్ద బాధ్యత భుజాన వేసుకున్నట్లే. వాసు వర్మతో మొదటినుంచి నాకు పరిచయముంది. అతని దర్శకత్వ శైలి గురించి నాకు బాగా తెలుసు. మా ఇద్దరికీ మంచి పేరు తెచ్చే చిత్రమవుతుంది.

గ్యాప్‌ ఇబ్బంది అనుకోలేదు

కొన్ని కమిట్‌మెంట్స్‌ ఇచ్చాను. అవన్నీ జరగలేదు. వేరే ఆఫర్లు వచ్చినప్పటికీ మాటిచ్చినందుకు వెయిట్‌ చేశా. అందుకే రెండేళ్ల గ్యాప్‌ వచ్చింది. ‘అందాల రాముడు’ తర్వాత ఐదేళ్ల వరకు హీరోగా సినిమా చెయ్యలేదు. తర్వాత ‘మరాద్యరామన్న’, ‘అప్పలరాజు’, ‘పూలరంగడు’ వరుసగా సినిమాలు చేశాను. ఎన్నో ఇబ్బందులు పడి వచ్చినవాడిని కాబట్టి గ్యాప్‌ని ఇబ్బంది అనుకోలేదు. ఏ ఆర్టిస్ట్‌కైనా రెండేళ్ల గ్యాప్‌ వస్తే మళ్లీ అవకాశం రావడం చాలా కష్టమైన రోజులివి. కానీ నాకు చాలా అవకాశాలు వచ్చాయి. గతంలా కాకుండా ఓ సినిమా చేస్తూ నే, ఇంకో సినిమా కమిట్‌ అవ్వాలని ఫిక్స్‌ అయ్యాను. ఇకనుంచి ఏడాదికి మూడు సినిమాలు చెయ్యాలనుకంటున్నాను. కానీ ఈ రెండేళ్లు ఇంట్లో నా పిల్లలతో గడిపి చెప్పలేనంత ఆనందం పొందాను. బలవంతంగా డాన్స్‌లు చెయ్యడం వల్ల నా కాళ్లకు ఆరు ఆనకాయలొచ్చాయి. కొంత కాలం క్రితమే సర్జరీ చేయించి తీయించేశాను. రెండు నెలలు వాటితో చాలా ఇబ్బందిపడ్డాను.

నా స్నేహితుడే కారణం... 
కెరీర్‌ ప్రారంభంలో నాకు మంచి పాత్రలు కుదిరాయంటే దానికి నా స్నేహితుడు త్రివిక్రమే కారణం. అతను నా స్నేహితుడు కావడం అదృష్టంగా భావిస్తాను. మా ఇద్దరి కాంబినేషన్‌లో తప్పకుండా ఓ సినిమా చేస్తాం. నాలోని రెండు కోణాలు అతనికి తెలుసు కాబట్టే బంకు శీను పాత్ర ఇచ్చాడు. ఆ పాత్రంటే నాకు ప్రాణం. త్రివిక్రమ్‌ స్టార్‌డమ్‌ సంపాదించాకే అందరికీ త్రివిక్రమ్‌ అని తెలుసు. నాకు మాత్రం మొదటినుంచీ త్రివిక్రమే. అటువంటి స్నేహితుడిచ్చే ఎంకరేజ్‌మెంట్‌ ఎన్ని కోట్లు పెట్టినారాదు.


When you Call., Don't forget to mention that you found this "ADVERTISEMENT or LATEST NEWS" on FRESHDEALS365.COM....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Call::9966392211.