టుడే న్యూస్ డైరీ...!!!

బీసీల సమరం: కాపులకు బీసీ జాబితాలో చేర్చాలన్న టీడీపీ ప్రభుత్వ నిర్ణయాన్ని వ్యతిరేకిస్తూ బీసీ సంఘాలు ఆందోళనబాట పట్టాయి. సోమవారం నుంచి ఏపీలోని అన్ని జిల్లాల్లో ఆయా సంఘాలు నిరసనదీక్షలకు దిగనున్నాయి. టీడీపీకే చెందిన తెలంగాణ ఎమ్మెల్యే, బీసీల సంఘం జాతీయ అద్యక్షుడు ఆర్. కృష్ణయ్య పిలుపుమేరకు జిల్లాల బీసీ సంఘాల ఆధ్వర్యంలో ఈ దీక్షలు నిర్వహించనున్నారు.

నేడు నూజివీడుకు వైఎస్ జగన్: కృష్ణాజిల్లా నూజివీడు ఎమ్మెల్యే మేకా ప్రతాప్ అప్పారావు సతీమణి సుజాతాదేవి ఆకస్మిక మృతిపట్ల దిగ్భ్రాంతి వ్యక్తంచేసిన వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డి.. బుధవారం నూజివీడు వెళ్లి ఎమ్మెల్యే సతీమణి పార్థివదేహానికి నివాళులు అర్పించనున్నారు.

నేడు స్వస్థలానికి జవాన్ మృతదేహం: సియాచిన్ ప్రమాదంలో ప్రాణాలు కోల్పోయిన వీర జవాన్ ముస్తాక్ అహ్మద్ పార్థివదేహాన్ని సోమవారం ఆయన స్వస్థలం కర్నూలు జిల్లా పార్నెపల్లికి తరలించనున్నారు. మధ్యాహ్నం 2 గంటలకు ప్రత్యేక విమానం ద్వారా హైదరాబాద్ కు అక్కడి నుంచి హెలికాప్టర్ ద్వారా పార్నెపల్లికి ముస్తాక్ మృతదేహాన్ని తరలిస్తారు. అనంతరం సైనిక లాంఛనాలతో అంత్యక్రియలు నిర్వహిస్తారు.
 
కేసీఆర్ ఖమ్మం పర్యటన: నేటి నుంచి రెండు రోజులపాటు సీఎం కేసీఆర్ ఖమ్మం జిల్లాలో పర్యటించనున్నారు. భక్తరామదాసు, సీతారామ ప్రాజెక్టులకు ఆయన శంకుస్థాపన చేస్తారు. జిల్లా అధికారులతో సమీక్షా సమావేశం నిర్వహిస్తారు. త్వరలో ఖమ్మం కార్పొరేషన్ కు ఎన్నికలు జరగనున్న నేపథ్యంలో ముఖ్యమంత్రి పర్యటన ప్రాధాన్యతను సంతరించుకుంది.

బీడీ పరిశ్రమలు బంద్: బీడీ కట్టలపై పుర్రెగుర్తు ముద్రించడం తప్పనిసరన్న కేంద్ర ప్రభుత్వ నిర్ణయాన్ని నిరసిస్తూ తెలంగాణ బీడీ కార్మికులు నేటి నుంచి ఆందోళనలు నిర్వహించనున్నారు. సోమవారం నుంచి అన్ని బీడీ పరిశ్రమలను బంద్ చేయనున్నట్లు కార్మిక సంఘాలు తెలిపాయి.

చర్లపల్లిలో మేయర్ పర్యటన: జీహెచ్ఎంసీ మేయర్ గా ఎన్నికైన తర్వాత తొలిసారి తన డివిజన్ లో పర్యటించనున్నారు బొంతు రామ్మోహన్. చర్లపల్లిలోని భరత్ నగర్, భగవాన్ నగర్ లలో పర్యటిస్తారాయన.

ఆసియా బ్యాడ్మింటన్ టోర్నీ: హైదరాబాద్ వేదికగా సోమవారం నుంచి ఆసియా బ్యాడ్మింటన్ టోర్నీ ప్రారంభంకానుంది.

When you Call., Don't forget to mention that you found this "ADVERTISEMENT or LATEST NEWS" on FRESHDEALS365.COM....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Call::9966392211.