ఆయన ప్రియురాలికి ఇప్పటికే పెళ్లయిందా!

 

బాలీవుడ్‌లోనే అత్యంత ముదురు బాహ్మచారి సల్మాన్‌ ఖాన్‌. ఆయన పెళ్లి గురించి నిత్యం కథనాలు రావడం పరిపాటే. అదిగో సల్మాన్ పెళ్లి, ఇదిగో సల్మాన్ పెళ్లి అంటూ ఎన్ని కథనాలు వచ్చినా ఈ కండలవీరుడు మాత్రం తన వివాహం గురించి ఏమీ క్లారిటీ ఇవ్వడం లేదు. కానీ, ఇటీవల మాత్రం 'బజరంగీ భాయ్‌జాన్‌' పెళ్లి ఖాయమని విశ్వసనీయ వర్గాలు చెప్తున్నాయి. ఈ ఏడాది చివర్లో పెళ్లి చేసుకొని.. తన బ్యాచిలర్‌ జీవితానికి సల్మాన్‌ గుడ్‌ బై చెప్తాడని ఆ వర్గాలు అంటున్నాయి.
సల్మాన్ పెళ్లి చేసుకోవడానికి ఒప్పుకొన్నందుకు అతని అమ్మ కూడా చాలా హ్యాపీగా ఉందని ఇటీవల కథనాలు వచ్చాయి. ఈ కథనాలకు బలం చేకూరుస్తూ.. సల్మాన్‌-లులియా వంటుర్‌ ఇటీవల కలిసి మీడియాకు పోజులిచ్చారు. ప్రీతిజింటా పెళ్లివిందులో ఈ జంట కలిసి వచ్చి హల్‌చల్ చేసింది. దీంతో ఈ ఇద్దరి పెళ్లి ఖాయమని ఘంటాపథంగా చెప్పేశారు బాలీవుడ్‌ గాసిప్‌ రాయుళ్లు.
ఈ నేపథ్యంలో చాలాకాలంగా సల్మాన్‌తో డేటింగ్ చేస్తున్న లులియా వంటూర్‌ గురించి పలు విషయాలు వెలుగులోకి వచ్చాయి. మోడల్ అయిన లులియా గతంలో రొమేనియన్‌ సూపర్ స్టార్‌ మారిసయ్ మోగాను పెళ్లాడింది. నాలుగేళ్ల తర్వాత వీళ్ల పెళ్లి పెటాకులైంది. ఈ దంపతులు విడిపోవడానికి కారణాలు ఏమిటన్నది మాత్రం తెలియదని ఓ బాలీవుడ్ న్యూస్ వెబ్‌సైట్ తెలిపింది. ఈ కథనంపై సల్మాన్ గానీ, లులియాగానీ స్పందించలేదు. కానీ ఈ ఏడాది చివర్లో మాత్రం వీరిద్దరి పెళ్లి ఖాయమని సన్నిహిత వర్గాలు చెప్తున్నాయి.  

When you Call., Don't forget to mention that you found this "ADVERTISEMENT or LATEST NEWS" on FreshDeals365.Com....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Visit::page::https://www.facebook.com/freshdeals365 Join::Group::https://www.facebook.com/groups/freshdeals365 Fallow::https://www.twitter.com/freshdeals365