ఒక్క తన్ను తంతే బతికిపోయింది...!

 

ఆత్మహత్య చేసుకుంటున్నవాళ్లను ఆపాలంటే కొంచెం కష్టమే. అందులోనూ భవనం పైనుంచి, లేదా పై అంతస్తులలో కిటికీల లోంచి దూకేవాళ్లను కాపాడటం దాదాపు అసాధ్యం. కానీ చైనాలో ఓ అగ్నిమాపకదళ సభ్యుడు అత్యంత పెద్ద సాహసమే చేసి అలాంటి ఓ మహిళను కాపాడాడు. ఈ ఘటన ఈనెల 4వ తేదీన చోటుచేసుకుంది. ఆత్మహత్య చేసుకోవాలన్న ఆలోచనతో ఓ మహిళ పెద్ద భవనంలోని ఆరో అంతస్తు కిటికీలో కూర్చుంది. అక్కడి నుంచి దూకేయాలని ఆమె ప్రయత్నించింది. ఆమె అప్పటికే చాలా ఉద్వేగంగా ఉందని, ఎవరినీ దగ్గరకు కూడా రానివ్వలేదని చెప్పారు. అక్కడకు దగ్గరగా ఉన్నవాళ్లు చూసి పోలీసులకు చెప్పడంతో.. పోలీసులు, అగ్నిమాపక బృందం అక్కడకు చేరుకున్నారు. పోలీసులు ఎలాగోలా ఆమె ఫ్లాట్‌లోకి వెళ్లి, ఆమెను మాటల్లో పెట్టారు.

ఈలోపు అగ్నిమాపక దళ సభ్యులు ఏడో అంతస్తుకు చేరుకున్నారు. సరిగ్గా ఆమె కూర్చున్న కిటికీ పైకి చేరుకున్న ఫైర్‌మన్ అత్యంత చాకచక్యంగా కిటికీ పైన ఉన్న టెర్రస్ మీద వేలాడుతూ కాళ్లతో ఆమెను కిటికీలోంచి లోపలకు తన్నేశాడు. ఒకసారి తన్నినా లోపలకు పడలేదు.. దాంతో రెండోసారి మరింత బలంగా తన్నాడు. అప్పటికి ఆమె సగం కిటికీ బయట, మిగిలిన సగం లోపల ఉంది. ఆమె లోపలకు పడగానే లోపలున్న పోలీసులు ఆమెను అదుపులోకి తీసుకుని కిందకు తీసుకొచ్చేశారు. తర్వాత ఫైర్‌మన్ కూడా అదే కిటికీ గుండా లోపలకు వెళ్లి బయటకు వచ్చాడు.

When you Call., Don't forget to mention that you found this "ADVERTISEMENT or LATEST NEWS" on FreshDeals365.Com....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Visit::page::https://www.facebook.com/freshdeals365 Join::Group::https://www.facebook.com/groups/freshdeals365