సాక్షి మహరాజ్ సంచలన వీడియో...?

 బీజేపీ  వివాదాస్పద ఎంపీ సాక్షి మహరాజ్  మరోసారి వార్తల్లో నిలిచారు. తరచూ  వివాదాలతో, సంచలన వ్యాఖ్యలతో  వార్తల కెక్కే  ఆయన మరో వివాదంలో ఇరుక్కున్నారు.  ఉత్తర ప్రదేశ్ లో ఒక బాలిక పట్ల అనుచితంగా ప్రవర్తించిన వీడియో ఒకటి ఇపుడు సోషల్ మీడియాలో చక్కర్లు కొడుతోంది.  అక్కడున్న కొంతమంది మహిళలతో   మాట్లాడుతున్న క్రమంలో  ఓ బాలికను ప్యాంట్  తొలగించి, గాయాల గుర్తులు చూపించమని అడగడం ఆ వీడియోలో  రికార్డయింది. దీంతో వివాదం రాజుకుంది.

 కొంతమంది మహిళలు, పురుషులు   చూస్తుండగానే  సాక్షి మహరాజ్ ఇలా  ఆదేశించడం వివాదానికి దారితీసింది. సభ్య సమాజం తలదించుకునేలా గాయాలతో ఉన్న ఓ బాలికను  శరీరంపై గాయాల గుర్తులు చూపించాల్సిందిగా ఆదేశించడం విమర్శలకు  తావిచ్చింది. కొంతమంది మహిళలు, బాలికలు ఆయనకు సేవలు చేస్తుండగా,  నిస్సిగ్గుగా చోద్యం చూస్తూ ఉండడంపై విమర్శలు చెలరేగాయి.  సాక్షి మహారాజ్ అమర్యాదకరమైన  ప్రవర్తనపై నెటిజన్లు మండిపడుతున్నారు.


మరోవైపు ఉత్తరప్రదేశ్ పోలీసులు సాక్షిపై ఎఫ్ఐఆర్ నమోదు చేశారు. మైనపురలో ఒక ర్యాలీలో ప్రసంగిస్తూ పోలీసులను  దుర్భాషలాడుతూ,  బెదరింపు ధోరణిలో మాట్లాడారని ఆరోపిస్తూ సాక్షి మహరాజ్ పై కేసు నమోదుచేశారు.   అంతేకాదు 2017 ఎన్నికల్లో రాష్ట్రంలో బీజేపీ అధికారంలోనికి వస్తే పోలీసులపై ప్రతీకారం తీర్చుకుంటామని బెదరించడం విశేషం.
 

When you Call., Don't forget to mention that you found this "ADVERTISEMENT or LATEST NEWS" on FreshDeals365.Com....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Visit::page::https://www.facebook.com/freshdeals365 Join::Group::https://www.facebook.com/groups/freshdeals365