-->

లేటెస్ట్ న్యూస్ అప్డేట్స్ క్లిక్ చేసి ఫాలో అవ్వండి..!!

April 10, 2016

సినిమాలకు పవన్ కల్యాణ్ గుడ్ బై!


హైదరాబాద్: మరో రెండు మూడు సినిమాలు తీసిన తర్వాత పవర్ స్టార్ పవన్ కల్యాణ్ నటించడం మానేస్తారా? మరో మూడేళ్లలో జరగబోయే అసెంబ్లీ ఎన్నికల్లో జనసేన పార్టీ తరఫున  ప్రత్యక్షంగా బరిలోకి దిగడానికి ఆయన రంగం సిద్ధం చేసుకున్నారా? వచ్చే ఎన్నికల నాటికి రెండు మూడు సినిమాలు పూర్తి చేసి ఆ తర్వాత ఇక సినిమాలకు గుడ్ బై చెప్పనున్నారా..? పవన్ కల్యాణ్ మాటలు వింటుంటే అవుననే అనిపిస్తోంది. సర్దార్ గబ్బర్ సింగ్ విడుదలైన నేపథ్యంలో ఆదివారం ఆయన ఒక టీవీ చానెల్ తో మాట్లాడుతూ, ఈ విషయాన్ని పరోక్షంగా వెల్లడించారు. వచ్చే (2019) ఎన్నికల్లో కచ్చితంగా పోటీ చేస్తానని ప్రకటించారు. పూర్తిస్థాయి రాజకీయాల్లోకి రాగానే సినిమాలు మానేస్తానన్నారు.

గత సాధారణ ఎన్నికలకు ముందు పవన్ కల్యాణ్ జనసేన పేరుతో పార్టీని స్థాపించిన విషయం తెలిసిందే. ఓట్లు చీలుతాయన్న కారణంగానే ప్రత్యక్ష ఎన్నికల్లో పోటీ చేయడంలేదని గత సాధారణ ఎన్నికలకు ముందు ప్రకటించిన పవన్ కల్యాణ్ వచ్చే ఎన్నికల్లో మాత్రం పోటీకి సై అంటున్నారు. అయితే ఆయన సోదరుడు చిరంజీవి సూచించినట్టుగా ఇటు సినిమా అటు రాజకీయ రంగం... రెండు పడవలపై కాళ్లు పెట్టి పయనించడం సాధ్యంకాదని పవన్ కల్యాణ్ గుర్తించినట్టున్నారు.

సుదీర్ఘ కాలం తర్వాత పవన్ కల్యాణ్ కు సంబంధించిన కార్యక్రమంలో ఆయన సోదరుడు చిరంజీవి పాల్గొన్నారు. సర్దార్ గబ్బర్ సింగ్ సినిమా ఆడియో కార్యక్రమంలో చిరంజీవి పాల్గొనగా, ఆ సందర్భంగా మాట్లాడుతూ, రెండు పడవలపై నడవడం కష్టమని, కానీ పవన్ కల్యాణ్ అందులోనూ సులభంగా రాణిస్తారని కితాబిచ్చారు.  రాజకీయాల్లో ఉన్నామని సినిమా రంగాన్ని వదిలిపెట్టొద్దని, రాజకీయాలతోపాటు సినిమాలు కూడా చేయాలని సోదరుడు పవన్ కల్యాణ్ కు ఉద్బోధించారు.

అయితే పవన్ కల్యాణ్ మాత్రం పూర్తిస్థాయి రాజకీయాల్లోకి రాగానే సినిమాలు మానేస్తానని ప్రకటించడం గమనార్హం. అలాగే జనసేన పార్టీలోకి చిరంజీవిని రమ్మని పిలవబోనని తెలిపారు. సినిమాలు ఎప్పుడు మానేస్తానో కచ్చితంగా చెప్పలేనన్నారు. త్రివిక్రమ్, ఎస్ జే సూర్య దర్శకత్వంలో సినిమాలు చేస్తానని చెప్పారు. ఆయన మాటలను బట్టి ఎన్నికల నాటికి రెండుమూడు సినిమాలు పూర్తి చేసి ఎన్నికల నాటికి ప్రత్యక్ష రాజకీయాల్లోకి దిగుతారని అంచనా వేస్తున్నారు. ప్రస్తుత రాజకీయ పరిస్థితులపై స్పందిస్తూ, అధికారం కోసం పార్టీలు మారుతున్న నేతల తీరును తప్పుబట్టారు. అధికారం కోసం పార్టీలు మారడం మంచిది కాదన్నారు.


When you Call., Don't forget to mention that you found this "ADVERTISEMENT or LATEST NEWS" on FreshDeals365.Com....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Call::MAHESH BABU::9966392211.

About the Author

Unknown

Author & Editor

No.1 Online Local Advertising services, Online marketing, Social media marketing, Travel services, Jobs, News, Online shopings..!!!

Post a Comment

మీకు ఈ వెబ్సైటు ఉపయోగపడుతుందా..?

 
All In One Store © 2015 - Designed by K. Mahesh Babu