ఉచితంగా ఇసుక

 ఆంధ్రప్రదేశ్‌లోని అన్ని గ్రామాల్లోనూ ఇకపై ఉచితంగా ఇసుకను అందించాలని మంత్రివర్గ సమావేశం నిర్ణయించింది. ఈ విధానం అమలు తీరును పర్యవేక్షించేందుకు కలెక్టర్ల ఆధ్వర్యంలో ప్రత్యేక కమిటీలను ఏర్పాటు చేయనుంది. ఉచితంగా ఇసుకను అందించే క్రమంలో ఎదురయ్యే సమస్యలు, ప్రజల నుంచి వచ్చే ఫిర్యాదులు, వినతుల స్వీకరణకు ప్రత్యేకంగా టోల్‌ఫ్రీ నెంబరును అందుబాటులోకి తీసుకురానుంది. అలాగే అత్యాధునిక సాంకేతిక విధానమైన ఆంధ్రప్రదేశ్‌ ఇంటర్నెట్‌ ఆఫ్‌ థింగ్స్‌ (ఐవోటీ) విధానానికి మంత్రివర్గం ఆమోదం తెలిపింది. మంత్రివర్గ సమావేశంలో తీసుకున్న నిర్ణయాలను సమాచార పౌర సంబంధాలశాఖ మంత్రి పల్లె రఘునాథరెడ్డి, గనులశాఖ మంత్రి పీతల సుజాత బుధవారం సాయంత్రం విజయవాడలోని ముఖ్యమంత్రి కార్యాలయంలో మీడియాకు వివరించారు. ఆ వివరాలివీ... 

* రాష్ట్రవ్యాప్తంగా గుర్తించిన 157 ఇసుక రీచ్‌లలో ఎంతమేర తవ్వకాలు చేపట్టాలన్న దానిపై త్వరలోనే ప్రమాణాలను నిర్దేశిస్తారు. వంతెనలు, రిజర్వాయర్లు తదితర నోటిఫైడ్‌ ప్రాంతాల్లో ఇసుక తవ్వకాలు చేపట్టడానికి వీలులేకుండా చేస్తారు. ఇతర రాష్ట్రాలకు తరలింపు, అక్రమ నిల్వలపై నిషేధం ఉంటుంది. ఉల్లంఘనలకు పాల్పడే వారిపై నిత్యావసర వస్తువుల చట్టాన్ని ప్రయోగించి కఠిన చర్యలు తీసుకుంటారు.

* విశాఖపట్నంలోని దామోదరం సంజీవయ్య జాతీయ న్యాయ విశ్వవిద్యాలయ చట్టంలో సవరణలకు ఆమోదం. వీటిలో విశ్వవిద్యాలయానికి కులపతిగా హైకోర్టు చీఫ్‌ జస్టిస్‌ను నియమించాలని ప్రతిపాదన. ప్రవేశాలకు సంబంధించి 50శాతం సీట్లను ఆంధ్రప్రదేశ్‌ రాష్ట్రానికి చెందిన విద్యార్థులకు, 40 శాతం సీట్లను ఇతర రాష్ట్రాల వారికి కేటాయించనున్నారు. మరో 10 శాతం సీట్లను ప్రవాస భారతీయులకు, విదేశీ విద్యార్థులకు ఇవ్వనున్నారు.

* ఆంధ్రప్రదేశ్‌ ఇంటర్నెట్‌ ఆఫ్‌ థింగ్స్‌ (ఐవోటీ) విధానానికి ఆమోదం.

* ఇన్‌స్టిట్యూట్‌ ఆఫ్‌ యూనివర్శిటీ ఆఫ్‌ టెక్సాస్‌, ఫెడరేషన్‌ ఆఫ్‌ ఇండియన్‌ ఛాంబర్‌ ఆఫ్‌ కామర్స్‌ అండ్‌ ఇండస్ట్రీస్‌, ఆంధ్రప్రదేశ్‌ సాంకేతిక శాఖలు సంయుక్తంగా తిరుపతిలో అంతర్జాతీయ స్థాయి ఇంక్యూబేషన్‌ కేంద్రాన్ని ఏర్పాటు చేయాలని నిర్ణయం.

* రాష్ట్రంలో వివిధ శాఖల వారీగా ఎన్నెన్ని ఖాళీలు ఉన్నాయో గుర్తించి... అన్ని శాఖలకు సంబంధించి తొలివిడతలో 25 వేల ఉద్యోగాలకు ఒకేసారి ప్రకటన ఇచ్చే యోచన.

When you Call., Don't forget to mention that you found this "ADVERTISEMENT or LATEST NEWS" on FreshDeals365.Com....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Call::9966392211.