మైక్రోసాఫ్ట్‌ స్మార్ట్‌ అయ్యేనా?

స్మార్ట్‌ఫోన్స్‌లో ఇప్పుడంతా ఆండ్రాయిడ్‌ ఓయస్‌ హవా నడుస్తోంది. యూజర్‌ ఫ్రెండ్లీగా ఉండే ఆండ్రాయిడ్‌తో పోలిస్తే ఇండియాలో విండోస్‌ ఓయస్‌కు పాపులారిటీ తక్కువే. అయితే విండోస్‌ ఓయ్‌సను మరింత ఊపందుకునేందుకు మైక్రోసాఫ్ట్‌ స్మార్ట్‌ఫోన్‌ లూమియా 650 ఆశాజనకంగా కనిపిస్తోంది. ఈ బ్యూటిఫుల్‌ లుక్‌ చూసి విండోస్‌ అభిమానులు సంబరపడుతున్నారు.

ప్రపంచంలో ఏ వస్తువు అయినా త్వరగా అమ్ముడవ్వాలంటే ఆ వస్తువు లుక్‌ బావుండాలి. అదుర్స్‌ అనిపించేట్లు ఉండాలి. ఇది స్మార్ట్‌ఫోన్లకు బాగా వర్తిస్తుంది. ఈ విషయాన్ని మైక్రోసాఫ్ట్‌ చాలా ఆలస్యంగా గ్రహించిందనే చెప్పాలి. ఐఓయ్‌స్‌కు యూతలో మంచి ఫ్యాన్‌ఫాలోయింగ్‌ ఉన్నట్లే విండోస్‌నూ అభిమానిస్తారు. అయితే లూమియా ఫోన్స్‌ ఇన్నాళ్లూ లుక్‌వైజ్‌ అంత ఆకర్షణీయంగా లేవనేది యూత టాక్‌. పైగా దక్షిణకొరియా, చైనా, జపాన్‌ స్మార్ట్‌ఫోన్లు ఇండియాలోని వినియోగదారుల్ని ఆకట్టుకునేందుకు పాపులర్‌ ఓయస్‌ ఆండ్రాయిడ్‌కే ఓటేయటంతో మనదేశంలో విండోస్‌ ఓయస్‌ కిటికీలు మూసుకున్నాయి.

లూమియా స్మార్ట్‌ఫోన్స్‌లో తక్కువ రామ్‌ ఉన్నా విండోస్‌ ఓయస్‌ పర్ఫార్మెన్స్‌ అద్భుతంగా ఉంటుంది. కాకపోతే అమ్మకాలే లేవు. దీంతో మైక్రోసాఫ్ట్‌ తనను తాను కొత్తగా ఆవిష్కరించుకునేందుకు ప్రయత్నిస్తోంది. అందులో భాగంగానే మైక్రోసాఫ్ట్‌ లూమియా 650 ఈ మార్చిలోనే మార్కెట్లోకి తీసుకురానుంది. ఈ స్మార్ట్‌ఫోన్‌ ఆకర్షణీయమైన డిజైన్‌తో స్మార్ట్‌ ప్రియులను అలరిస్తోంది. యూత్ అభిరుచికి అనుగుణంగా ఉంటుందంటున్న ఈ స్మార్ట్‌ఫోన్‌ రేర్‌ కెమెరా 8 మెగా పిక్సెల్‌, ఫ్రంట్‌ కెమెరా 5 మెగా పిక్సెల్‌ వైడ్‌ సెల్ఫీకి అనుగుణంగా ఉంటుంది. 1 జిబి రామ్‌, 1.3 గిగాహెర్జెస్‌ క్వార్డ్‌ కోర్‌ ప్రాసెసర్‌, 16 జిబి ఇంటర్నెల్‌ మెమొరీ ఉంటుంది. ఐదు అంగుళాల డిస్‌ప్లే ఉండే లూమియా స్మార్ట్‌ఫోన్‌ బ్యాటరీ సామర్థ్యం 2000 ఎమ్‌ఎహెచ్‌, విండోస్‌ 10 ఓయ్‌స్‌పై పనిచేస్తుంది. దీని ధర 13,500 లోపు ఉండచ్చని మార్కెట్‌ వర్గాలు చెబుతున్నాయి. మొత్తానికి స్మార్ట్‌ ప్రపంచంలో ఆలస్యంగా సక్సెస్‌ టాక్‌ తెచ్చుకున్న సాఫ్ట్‌వేర్‌ దిగ్గజం మైక్రోసాఫ్ట్‌.. డిజైన్స్‌ విషయంలో కొత్తదనాన్ని స్వాగతించింది. మన దేశంలో స్మార్ట్‌ఫోన్స్‌ కంపెనీల మధ్య భారీ కాంపిటీషన్‌ ఉన్న నేపథ్యంలో లూమియా 650 స్టైలిష్‌ లుక్‌ స్మార్ట్‌ఫోన్‌ ఏవిధంగా వినియోగదారులను ఆకట్టుకుంటుందో చూడాలి మరి.

When you Call., Don't forget to mention that you found this "ADVERTISEMENT or LATEST NEWS" on FreshDeals365.Com....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Call::9966392211.