యువ భారత్‌ బోల్తా.. విండీస్‌ విశ్వ‘విజేత’

బంగ్లాదేశ్‌: అండర్‌-19 ప్రపంచకప్‌లో తొలి మ్యాచ్‌ నుంచే వరుసగా విజయాలు సాధిస్తూ అంచనాలు పెంచిన యువ భారత్‌ ఫైనల్లో చతికిలపడింది. వెస్టిండీస్‌తో ఆదివారం జరిగిన ఫైనల్‌ మ్యాచ్‌లో తొలుత బ్యాటింగ్‌ చేసిన భారత్‌ జట్టు విండీస్‌ బౌలర్ల ధాటికి 45.1 ఓవర్లలో 145 పరుగులకే కుప్పకూలింది. జట్టులో సర్ఫరాజ్‌ ఖాన్‌ (51: 89 బంతుల్లో 5×4, 1×6) ఒక్కడే అర్ధ శతకంతో ఆకట్టుకున్నాడు. స్వల్ప లక్ష్య ఛేదనకు దిగిన వెస్టిండీస్‌ జట్టు 49.3 ఓవర్లలో 5 వికెట్లు కోల్పోయి 146 పరుగులతో లక్ష్యాన్ని ఛేదించి అండర్‌-19 ప్రపంచకప్‌లో తొలిసారి విజేతగా నిలిచింది.

పేసర్ల ధాటికి యువ భారత్‌ విలవిల..! 
టాస్‌ గెలిచిన వెస్టిండీస్‌ కెప్టెన్‌ యువ భారత్‌ను బ్యాటింగ్‌కు ఆహ్వానించాడు. ఈ మెగా టోర్నీలో అద్భుత ఫామ్‌తో అదరగొట్టిన ఓపెనర్‌ రిషబ్‌ పంత్‌(1) తొలి ఓవర్‌లో బంతిని ఎదుర్కొనేందుకు క్రీజు వెలుపలికి వచ్చి.. బంతి అందకపోవడంతో చురుగ్గా వెనక్కి వెళ్లలేకస్టంపౌట్‌గా వెనుదిరిగాడు. ఈ షాక్‌ నుంచి భారత్‌ తేరుకునేలోపే అన్మోల్‌ప్రీత్‌ సింగ్‌ (3), కెప్టెన్‌ ఇషాన్‌ కిషన్‌ (4), వాషింగ్టన్‌ సుందర్‌ (7) వరుసగా వెస్టిండీస్‌ పేసర్ల ధాటికి పెవిలియన్‌ చేరిపోయారు. మిడిలార్డర్‌ బ్యాట్స్‌మెన్‌ సర్ఫరాజ్‌ (51: 89 బంతుల్లో 5×4, 1×6) ఒక ఎండ్‌లో నిలకడగా ఆడుతున్నా.. అతనికి సహకరించే వారు కరవయ్యారు. చివర్లో మహిపాల్‌ (19), రాహుల్‌ (21) ఫర్వాలేదనిపించడంతో భారత్‌ 145 పరుగులు చేయగలిగింది. జట్టులో 8 మంది ఆటగాళ్లు కనీసం రెండంకెల స్కోరు కూడా చేరుకోలేకపోయారు. వెస్టిండీస్‌ బౌలర్లలో జోసఫ్‌ 3, జాన్‌ 3, పాల్‌ 2, హోల్డర్‌, స్పింగర్‌ తలో వికెట్‌ తీశారు.

పోరాడినా ఫలితం దక్కలేదు..! 
స్వల్ప లక్ష్యాన్ని కాపాడుకునేందుకు భారత్‌ బౌలర్లు చివరి ఓవర్‌ వరకూ పోరాడినా.. ఫలితం దక్కలేదు. విండీస్‌ ఓపెనర్‌ పోప్‌ (3) ఆదిలోనే పెవిలియన్‌కు పంపి బౌలర్‌ అవేష్‌ ఖాన్‌ భారత్‌కు శుభారంభమిచ్చాడు. అయితే మరో ఓపెనర్‌ టెవిన్‌ (15), సిమ్రాన్‌ (23)తో కలిసి కాసేపు వికెట్ల పతనాన్ని అడ్డుకోగా.. మిడిలార్డర్‌ బ్యాట్స్‌మెన్లు కార్టీ (52: 125 బంతుల్లో 2×4), పాల్‌ (40 నాటౌట్‌ : 68 బంతుల్లో 1×4, 1×6)సమయోచిత బ్యాటింగ్‌తో మరో మూడు బంతులు మిగిలి ఉండగానే వెస్టిండీస్‌ను విజయతీరాలకు చేర్చారు. భారత్‌ బౌలర్లలో మయాంక్‌ 3, అవేష్‌ ఖాన్‌, అహ్మద్‌ చెరో వికెట్‌ తీశారు.

When you Call., Don't forget to mention that you found this "ADVERTISEMENT or LATEST NEWS" on FRESHDEALS365.COM....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Call::9966392211.