ప్రేమికులరోజున అందాల భామలు చెప్పిన ప్రేమ కబుర్లు...?

యువతీయువకులు ఎదురుచూసే క్షణాలు... ప్రేమికులు కలలు కనే ఘడియలు వచ్చేశాయి. మదిలో ప్రేమను ఎర్రటి గులాబీతో వ్యక్తపరిచేందుకు ప్రేమికులు ఎంచుకున్నది ఈ ‘ప్రేమికుల రోజు’. ప్రతి ఒక్కరి జీవితంలో ప్రేమ అనేది ఎంతో మధురమైనది... మరపురానిది..! తెరపై తళుకులీనుతూ కోట్లాది మనసులు దోచుకున్న అందాల భామల ప్రేమ సంగతులు మరింత మనోహరం. ఈ ప్రేమికులరోజున వారి మనసులోని ప్రేమ పలుకులు....

 

మనసు చెప్పాలి: త్రిష

ముందుగా అందరికీ ప్రేమికుల రోజు శుభాకాంక్షలు. ప్రేమ ఒక నిప్పురవ్వలాంటిది. హఠాత్తుగా కన్పిస్తుంది. అంతలోనే ఆరిపోతుంది. ఒక వ్యక్తిని చూడగానే మనకోసమే అని మనసు చెప్పాలి. అదే ప్రేమ. మనసుకి నచ్చినవారితో జీవితాన్ని పంచుకోవడం అదృష్టం. దాన్ని దక్కించుకోవడం భాగ్యం.

 

ప్రేమికులకు ఒక్క రోజేనా?: సమంత

ప్రేమికుల రోజును ఫిబ్రవరి 14 ఒక్క రోజు మాత్రమే జరుపుకోవడం నాకు నచ్చలేదు. ఏడాదిలో 365 రోజులూ నాకు ప్రేమికుల రోజులే. కొట్టుకోవడం, ఆ వెంటనే ఒక్కటవ్వడం.. మళ్లీ కొట్టుకోవడం ప్రేమలోని అందం. ప్రేమ లేకుండా జీవితంలో ఏ క్షణాన్ని ఆస్వాదించలేము. మనసు నిండా ప్రేమ నింపుకుని జీవితం సాగించడం గొప్ప వరం.

 

ఆ శక్తి ప్రేమదే: హన్సిక

ప్రేమలో పడడం అంటే జీవితంలో కొత్త ఇన్నింగ్స్‌ మొదలైనట్టే. 24 గంటలూ సంతోషాన్ని కలిగించే శక్తి ప్రేమకు ఉంది. అదే సంతోషం మన చుట్టుపక్కల వాళ్లకీ పంచుతుంది. ప్రేమ అంటే అబ్బాయి, అమ్మాయి మధ్య కాదు. రెండు మనసుల్ని ఒక్కటి చేసే రెండు కుటుంబాల మధ్య. అటువంటి ప్రేమకి తిరుగులేదు.

 

నిజమైన ప్రేమంటే అదే... ప్రియా ఆనంద్‌

చూడాలి, నచ్చాలి, ఒక్కటవ్వాలి, మైమరచిపోవాలి... అదే ప్రేమ. జీవితం సినిమా కాదు. తెరపై చూపించినట్టు - తొలి చూపులోనే ప్రేమ పుట్టడానికి! ఒకరినొకరు అర్ధం చేసుకోవడంలోనే ప్రేమ ఉంటుంది. అది జీవితాంతం ప్రేమికులుగా ఉండేందుకు దోహదపడుతుంది. అందరికీ ప్రేమికుల రోజు శుభాకాంక్షలు.

 

ప్రేమ జ్ఞాపకాలు మరువలేనివి: రెజీనా

అప్పుడు నాకు 13, 14 సంవత్సరాలు ఉంటాయనుకుంటాను. తొమ్మిదో తరగతి చదువుతున్నాను. పక్కింటి కుర్రాడు నా వెనకాల తిరిగి తిరిగి లవ్‌ లెటర్‌ ఇచ్చాడు. మొదట్లో పట్టించుకోని నేను తరువాత మనసు పారేసుకున్నాను. అకస్మాత్తుగా అతను ఫారిన్ వెళ్లిపోయాడు. అతన్ని ఎంతో ఇష్టపడ్డాను. ఆ ప్రేమ నుంచి బయటపడేందుకు కొంచెం టైం పట్టింది. నా మనసులోంచి తీసేశాను. అయినా ప్రేమ తాలూకా జ్ఞాపకాలు మరువలేదు. ఎందుకంటే అది ప్రేమ.

When you Call., Don't forget to mention that you found this "ADVERTISEMENT or LATEST NEWS" on FRESHDEALS365.COM....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Call::9966392211.