ముఖం వెలగాలంటే....

పట్టుమని పాతికేళ్లయినా రాకముందే. ముఖమంతా పాలిపోయి, నిర్జీవంగా మారిపోయింది. తరిగిపోతున్న సౌందర్యాన్ని తిరిగి నిలబెట్టుకోవడానికి, కాస్మటాలజిస్టును సంప్రదిస్తే, అతడు చెప్పిన సమాధానం పూర్తిగా భిన్నంగా ఉంది. అసలది కాస్మటిక్‌ సమస్య కాదని, రక్తంలో హిమోగ్లోబిన్‌ నిలువలు బాగా పడిపోయాయని తేల్చేశాడు. ఆ వెంటనే డైటీషియన్‌ కలిస్తే, శరీరంలో ఐరన్‌ తగ్గడమే దీనికి కారణమని స్పష్టం చేశాడు. అయితే, అందుకు ఉపకరించే ఆహార పానీయాలు విధిగా తీసుకోవాలంటూ ఆయన అందించిన వివరాలు ఇలా ఉన్నాయి.

• సాధారణంగా రోజూ తీసుకునే ఆహార పదార్థాల్లోనే మనకు కావలసినంత ఐరన్‌ లభిస్తుంది. కాకపోతే అందులోని ఐరన్‌లోని అతి స్వల్ప భాగమే శరీరాని పడుతుంది. ఆహార పదార్థాల్లో ప్రధానంగా, ఆకుకూరలు, తృణదాన్యాలు, ఖర్జూర, బెల్లంలో ఐరన్‌ ఎక్కువగా ఉంటుంది. కాకపోతే ఆ ఐరన్‌ను ఒంటపట్టకుండా నిరోధించే ఫైటేట్స్‌, ఆక్సలేట్స్‌, ఫాస్పేట్స్‌, పీచుపదార్థం కూడా వీటిలో ఉంటాయి. వాటిలో ఉండే 2 నుంచి 5 శాతం ఐరన్‌ మాత్రమే శరీరానికి పడుతుంది.
• ఇందుకు భిన్నంగా మాంసం ద్వారా 20 నుంచి 30 శాతం దాకా ఐరన్‌ శరీరానికి అందుతుంది. మీరు మాంసాహారులే అయుతే, మటన్‌, చికెన్‌, చేపలు, వారానికి రెండు మూడు సార్లు తినండి. వాటితో పాటు వారినికి ఒక సారి 30 గ్రాముల కాలేయం కూడా తీసుకోవడం అవసరం. అయితే మాంసంతోపాటు విటమిన్‌- సి కూడా తీసుకుంటే, మనం తిన్న ఆహార పదార్థాల్లోని ఐరన్‌ శరీరానికి బాగా పడుతుంది.
• విటమిన్‌ -సి కోసం, సంత్రా, మొసంబీ, నిమ్మ, ఉసిరి, మామిడికాయ మొలకెత్తిన గింజలు విరివిగా తీసుకోవాలి. టీ, కాఫీలకు ఐరన్‌ శరీరానికి ఇంకకుండా చేసే తత్వం ఉంది. అందుకే కనీసం భోజనానికి అరగంట ముందు నుంచి గానీ, అరగంట గడిచే దాకా గానీ, టీ,కాఫీలు తీసుకోకపోవడం శ్రేయస్కరం. అవసరమైతే డాక్టర్‌ను సంప్రదించి ఐరన్‌ మాత్రలు గానీ, ఐరన్‌ సిర్‌పగానీ తీసుకోవచ్చు. కడుపులో నులిపురుగులు (నట్టలు) ఉన్నప్పుడు ఆహార పదార్థాల్లోని ఐరన్‌ శరీరానికి అందకపోవచ్చు. అందుకే వైద్య పరీక్షల ద్వారా ఆ అనుమానాన్ని నివృత్తి చేసుకోవడం అవసరం. ఈ జాగ్రత్తలన్నీ పాటిస్తూ, ఐరన్‌ సమృద్ధిగా ఉండే ఆహార పదార్థాలు తీసుకుంటే శరీరంలో హీమోగ్లోబిన్‌ నిలువలు పెరుగుతాయి. ముఖంలో తిరిగి జీవకళ ఉట్టిపడుతుంది.

When you Call., Don't forget to mention that you found this "ADVERTISEMENT or LATEST NEWS" on FRESHDEALS365.COM....I wish to be contacted by shop owners or telemarketers of any other website...TQ visit again for "DAILY DEALS and UPDATES"....For more Call::9966392211.